Халықаралық балаларды қорғау күніне орай «QazMed» РҚБ Жетісу облысы бойынша Ұлттық сараптама орталығы филиалының бастауыш кәсіподақ ұйымы мекеме қызметкерлерінің кішкентай бүлдіршіндеріне арналған мерекелік іс-шара ұйымдастырды.

Мерекелік шара барысында балаларға көтеріңкі көңіл-күй сыйлау мақсатында түрлі ойын-сауық бағдарламалары өткізіліп, тәтті сыйлықтар мен естелік тартулар табысталды. Ұйымдастырушылар бүлдіршіндерді мерекемен құттықтап, оларға зор денсаулық, бақытты балалық шақ, оқуда табыс және армандарының орындалуын тіледі.

Балалар – еліміздің жарқын болашағы. Сондықтан олардың аман-есен өсіп, сапалы білім алып, жан-жақты дамуына қолайлы жағдай жасау – қоғамның ортақ міндеті. Осындай игі шаралар балаларға қуаныш сыйлап қана қоймай, оларға деген қамқорлық пен мейірімділіктің жарқын үлгісін көрсетеді.

Мереке барысында кішкентай қонақтар көтеріңкі көңіл-күйге бөленіп, ерекше әсер алып қайтты.