Мүшелік жарналардың бөлінуінің ашықтығы — кәсіподаққа деген сенімнің негізгі тірегі. Алайда тәжірибеде қызметкерлер өздері төлейтін жарналардың қайда және қалай жұмсалатынын толық біле бермейді. Бұл жарналар қызметкерлердің жеке қаражатынан қалыптасады, яғни ортақ қаражат болып саналады және бір адамның иелігінде болып, өз бетінше пайдаланылмауы тиіс.

Жарналарды бөлу тәртібі кәсіподақтың жарғысында және кәсіподақ комитетінің шешімімен бекітілетін ішкі құжаттарында айқындалады. Жарналардың дұрыс бөлінуі мен есепке алынуына ұйымның кәсіподақ комитеті жауапты.

Бастауыш кәсіподақ ұйымдарының мүшелерін жарналардың қалай жұмсалатыны туралы ашық әрі тұрақты түрде хабардар ету — аса маңызды. Қызметкер қаражаттың әділ әрі мақсатты түрде бөлінетінін көргенде, мүшеліктің құндылығын түсінеді, бұл өз кезегінде кәсіподақ қозғалысына деген сенімді нығайтады.

Өкінішке қарай, кейбір басшылар мүшелік жарналарды бүкіл ұйымның қаражаты ретінде қабылдайды.