«QazMed» бастауыш кәсіподақ ұйымының мүшелері, Қостанай облысының санитариялық-эпидемиологиялық бақылау департаментінде , мекеме басшылығының қолдауымен Қазақстанда биыл алғаш рет ресми түрде атап өтілген Санитариялық-эпидемиологиялық қызмет жұмыскерлерінің күніне арналған мерекелік іс-шара ұйымдастырды.
15 қыркүйек бүкіл ұжым үшін ерекше әрі есте қаларлық күн болды. Көпжылдық қажырлы еңбектері мен мамандыққа адалдықтары үшін санитариялық-эпидемиологиялық қызмет ардагерлері құрметті қонақ ретінде шақырылып, оларға жылы жүзбен кездесу ұйымдастырылды. Оларға санитариялық-эпидемиологиялық бақылау жүйесін дамытуға, халық денсаулығын сақтауға және өмір мен еңбек үшін қауіпсіз ортаны қамтамасыз етуге қосқан үлестері үшін шынайы құрмет пен алғыс білдірілді.
Іс-шара құрмет пен ұрпақтар сабақтастығы рухында өтті: үлкен дастархан басында қазіргі қызметкерлер ардагерлермен емен-жарқын сөйлесіп, олардың естеліктерін тыңдап, тәжірибелерімен бөлісті және кәсіби рухты қолдады. Жиында алғыс сөздер, ізгі тілектер мен шын жүректен айтылған құттықтаулар айтылды.
Осындай кездесулер ұжым бірлігін нығайтумен қатар санитариялық-эпидемиологиялық қызметтің ең жақсы дәстүрлерін сақтауға ықпал етеді, мамандарда өз мамандығына деген мақтаныш сезімін оятып, олардың миссиясының маңыздылығына деген сенімін арттырады.